Нобел

Ракетата на Space X со двајца астронаути на НАСА успешно лансирана во вселената

Двајца астронаути на НАСА успешно полетаа кон вселената со ракетата „Space X“. Ова е првпат по речиси цела деценија двајца астронаути да полетаат за во земјината орбита од американска почва.

Лансирањето е изведено во планираниот термин во 21.22 по средноевропско време. Американските астронаути Роберт Бенкен и Даглас Харли веќе се на пат кон Меѓународната вселенска граница. Ги чека пат од 19 часа. За тоа време ќе ги тестираат системите во капсулата, а дел од патот ќе го отспијат.

Инаку, временските услови, часипол до пред планираното лансирање, не одеше во прилог на астронаутите. Ова е заедничка мисија во која НАСА за првпат користи приватно вселенско летало, Space X, компанија во сопствеништво на Илон Маск.

Астронаутите требаа да бидат лансирани во орбитата во средата на 27 мај, но лансирањето беше одложено поради лошите временски  услови во „Вселенскиот ценатар Кенеди“, на Флорида.

Advertisements
To Top