Министерството за внатрешни работи, како што јавуваат дел од домашните медиуми, потврдило дека имало приведени лица за нападот врз екипа на А1он за време на синоќешниот протест во Скопје организиран од граѓанската иницијатива За заедничка Македонија.
Учесници на протестот вечерва ја нападнале екипата на А1 он пред Триумфалната капија, ја оштетиле камерата и ги претепале новинарите. Снимателот Владимир Желчевски и новинарот Александар Тодевски поради повредите биле префрлени во Ургентниот центар во Скопје.
Инцидентот го осудија Здружението на новинарите на Македонија, Самостојниот синдикат на новинарите, СДСМ и ВМРО ДПМНЕ.
