Пред три месеци ја погледна смртта во очи – денес го прави последниот чекор за враќање на терените


Вака се слави гол во 120-та минута!!! ↓↓↓


Еден од петмината среќници кои ја преживеаја авионската несреќа во која настрада речиси целиот фудбалски тим на Шапекоензе, го направи последниот чекор за враќање на терените.

Пред само три месеци светот беше шокира од трагедијата која се случи недалеку од колумбискиот град Медељин во која животот го загубија 71 патник на авонот кој ги превезуваше фудбалерите и тимот на Шапекоензе на финалниот меч од Јужноамериканскиот куп.

Само тројца играчи од овој бразилски тим преживеаја во авионската несреќа, а двајца поради повреди во очи на смртниот полетувачки час одлучија да се повлечат од патувањето.

Единствениот фудбалер кој после трагедијата во целост физички и психички се опорави беше Алан Рушел, момчето кое одамна ја започна рехабилитацијата, а денес дочека повторно да почне да работи со топката.

Од Бразил стигнуваат вести дека Рушел го направил и последниот чекор пред враќање на терените во натпреварувачки ритам, бидејќи физички е повторно спремен да настапува, а останува само со работа со топка да се подготви за новите предизвици.

На снимката која дефанзивецот на Шапекоензе ја објави на својот Инстаграм профил се гледа како напорно тренира, за што побрзо повторно да конкурира за место во тимот.

Хелио Нето, исто така, ја преживеа несреќата, но уште не се знае дали ќе ја продолжи фудбалската кариера, додека Џексон Фолман тоа нема да може да го направи бидејќи му е ампутирана десната потколеница.