Олимписката шампионка во пливање Кети Ледецки направи уникатен и редок пливачки подвиг со кој ги воодушеви корисниците на социјалните мрежи, каде ја сподели снимката од истиот.
Во недостиг на натпревари поради пандемијата од корона вирус, Ледецки сними видео на кое покажа дека може да го исплива базенот со чаша полна со млеко на главата без тоа да се истури.
По испливаните 50 метри во базенот Кети, која има освоено 15 златни и 3 сребрени медали на светските првенства, се напи од полната чаша млеко која ја пренесе од едната на другата страна од базенот пливајќи со неа на главата, без ниту една капка од чоколадното млеко да падне во базенот.
View this post on Instagram
Ледеки воедно е и актуелна олимписка шампионка од Рио каде освои 4 златни и еден сребрен медал.
