Уствари викендов е затишје пред бура! ↓↓↓
Убавината на фудбалот е во непредвидливоста, а следниот пат кога некој ќе ви рече дека пресвртот не е можен, потсетете го на овој натпревар.
Во првиот дуел од Копа Либертадорес, Ривер Плата беше поразена до 3:0 од боливискиот Вилстерман, но во реваншот направи вистински подвиг и победи со неверојатни 8:0.
Вистински подвиг приреди и напаѓачот Игнасио Скоко, кој постигна пет погодоци за неполн час игра.
Ривер од самиот почеток тргна жестоко и со хет-трикот на Скоко за само 19 минути ја анулираа негативата, а потоа и го прегазија противникот. Скоко до 58-та минута веќе имаше постигнато 5 погодоци, а му се приклучија и Енцо Перез со два и Игнасио Фернандес со еден погодок за неверојатен резултат од 8:0.
