Спорт

Ненадиќ покажа голем карактер: „Шампионски трофеј и покрај толку проблеми – секоја чест за Вардар“

Еден од најдобрите ракометари и ѕвезда на Веспрем, Петар Ненадиќ, како вистински спортист со голем карактер, имаше само пофални зборови и честитки за противникот Вардар кој во шампионското финале го совлада неговиот клуб.

Поради фактот што дефинитивно станува збор за голем спортист со карактер, но и поради фактот дека во Вардар има многу блиски пријатели, па е запознат со финансиските проблеми и турбуленции на клубот, Ненадиќ „им симна капата“ на црвено-црните и честита како ретко кој противник.

„Честитки за Вардар и за Македонија за победата, имам многу пријатели во тој клуб. Мислам дека натпреварот го загубивме во првото полувреме, не одигравме на нивото на коешто требаше. Во второто полувреме дојдовме до еден-два разлика, но не успеавме“, вели Ненадиќ.

„Вардар имаше навистина неверојатна сезона, низ сѐ што поминаа, и покрај сите проблеми што ги имаа, да го освоиш овој трофеј… секоја чест“, со многу емоции ракометарот на Веспрем го кажа ова.

Advertisements
To Top