Насилник си ја тепаше жената пред кафуле, казната го стигна во ММА формат

На просторот пред популарниот сараевски ноќен клуб „Доријан Греј“ од безбедносните камери беше снимена грда ситуација во која еден маж ја претепа својата жена.

Безбедносните камери го снимиле мажот како на паркингот ја влече жената за коса , а потоа ја удара неколку пати. Но, како што тоа обично бидува со кармата кога таа сака да биде кучка, казната стигна екпресно.

Веднаш излегол сопственикот на клубот , а со него и поранешниот ММА боксер Денис Стојниќ , кој со неколку удари го нокаутира напаѓачот. Вработените од клубот веднаш притрчале и го раздвоиле боксерот од напаѓачот.

Стојниќ за босанските медиуми изјави дека не можел од страна само да гледа насилство врз девојка, особено од толку голем маж, кој ја удара по главата.