На аудио-снимка во траење од шест минути – разговор меѓу две лица за кои во насловот се тврди дека се Јане Ченто и Горан Ќосето, двајцата осудени за упадот во македонското собрание на 27 април, прикачена на мрежата „Јутуб“, се слуша најава за ликвидација на премиерот Зоран Заев и неговата фамилија, објави „А1он“.
Според мејлот кој го добиле од а1он и насловот на разговорот, се тврди дека на снимката наводно разговараат двајца од осудените за „27 април“.
Не е разбирлив целиот разговор поради слабиот тон, но во дел од него зборуваат: „Заев ќе биде изрешетан ко куче“, „ќе му вратам последно да е“, „јас сум спремен да лежам доживотно“ „ако треба ќе умрам“.
