Листа на Auto Bild со автомобили кои се најдобри после изминати 100.000 километри


Викенд најава - Најинтересно во Серија А! ↓↓↓



Списанието „Auto Bild“ прави маратонски тестови на автомобили со изминати 100.000 километри. После тоа, експерти ги расклопуваат сите автомобили и бараат и најмали грешки.

Списокот на најдобрите изгледа вака:

10. „VW Golf Sportsvan 1.4 TSI Highline“

Без проблеми над 100.000 км, па тестот беше продолжен на 150.000 km – речиси и да нема проблеми освен некои ситници.

9. „Toyota Prius IV“

Технологијата е одлична, внатрешноста е како нова, само блага ‘рѓа во шуплините на каросеријата.

8. „Mercedes A 220 d“

По завршувањето на тестот за издржливост, нема сериозни дефекти.

7. „Mazda CX-5 Skyactiv-D 184 AWD“

Само мали недостатоци, корозија под заптивката на багажникот.

6. „Suzuki Swift Sport“

Првата (безопасна) ‘рѓа се појавила на страничните столбови при расклопување; инаку без дефекти.

5. „Audi A4 Avant“

Внатрешност, завршница, технологија: „Audi“ речиси и да нема слабости.

4.„Seat Ateca 1.4 Eco TSI Style“

Тестерите се пожалија дека седиштата може да бидат поудобни при долги патувања; инаку без грешки. (тестот на издржливост е продолжен).

3. „Audi A6 Avant 40 TDI S tronic“

Сензорот за паркирање води до чести пораки за грешка, без други слабости.

2. „BMW Z4“

Без никакви проблеми, без непланирани посети на работилницата, речиси без трошење по 100.000 км. Расклопувањето исто така не покажува никакви недостатоци и само мало абење.

1. „Audi A3 Sportback g-tron“

Погон на природен гас: ниту еден автомобил не е посигурен од ова „Audi“, 100.000 км без дефекти и оштетувања, дури и по демонтирањето „А3“ не покажува слабости.