Најмалку пет лица се повредени, од кои две добиле тешки повреди, во напад на се уште неидентификуван маж во швајцарскиот град Шафхаузен, објави локалната полиција.
Британскиот „Индипендет“ пренесе дека поради нападот, полицијата го блокирала градот кој се наоѓа во близина на границата со Германија.
Сопственик на дуќан во делот на градот каде што се случил нападот за швајцарскиот весник „Блик“ рекол дека маж со моторна пила се движел по улиците и напаѓал минувачи, но оваа информација не е официјално потврдена.
Портпаролката на полицијата во Шафхаузен рекла дека органите на прогонот се во потрага по напаѓачот.
