Емотивната порака која Надал ја испрати до Федерер по повод неговото повлекување од тениските натпревари

Рафаел Надал испрати емотивна порака до своот пријател и ривал Роџер Федерер, откако Швајцарецот најави дека се пензиоира.

Федерер оди во пензија по настап на Лејвер купот следната недела, а досега во кариерата освои 103 трофеи од кои 20 се Грен слем титули.

Федерер и Надал одиграа голем број дуели, нивното ривалство е историско, па Шпанецот испрати емотивна порака.

„Драг Роџер, мој пријател и ривал. Посакував овој ден никогаш да не дојде. Ова е тажен ден за мене лично и за сите љубители на спортот низ целиот свет. Ти го кажав тоа кога зборувавме и сега е тука. Беше вистинско задоволство, но и привилегија и чест да се споделат овие години со тебе, толку неверојатни моменти на теренот и надвор од него. Ќе имаме многу моменти во иднина кои ќе ги правиме заедно, го знаеме тоа. Засега, ти посакувам среќа со твојата сопруга Мирка, со твоите деца и твоето семејство и да уживаш во тоа што е пред тебе. Ќе се видиме во Лондон на Лејвер купот“, напиша Надал.