Кој ќе тепа на Ел Класико!? ↓↓↓
На сите ни е познато дека шеќерот се наоѓа во речиси сите производи, во овошјето, пијалоците, алкохолот, лебот и други намирници.
И додека едни предупредуваат на опасноста од шеќерот, австралиските нутриционисти Алекс Паркер и Ана Дебенхам тврдат дека шеќерот сепак е важен дел од нашата исхрана.
„Сè ни е потребно во умерени количества, па дури и солта и шеќерот“, велат тие.
На пример, млекото содржи природен шеќер, кој во комбинација со калциумот е добар за нашиот организам.
„Млекото со помалку млечни масти има помалку шеќер и заситени масти, што повторно е одлично ако сакате да ослабете или не сакате вкус на полномасно млеко“, велат нутриционистите.
Тие истакнуваат дека многу производи кои се диетални содржат шеќери во себе и дека тоа не значи дека се лоши.
„Луѓето мислат дека некои производи не содржат шеќер, дури и кога во декларацијата стои дека има мед, пченка, јачмен сируп и друго. Овошјето исто така содржи природни шеќери“, истакнуваат Паркер и Дебенхам.
Тие велат дека луѓето треба да јадат свежо овошје и храна подготвена дома и дека тогаш нема стравување од скриени шеќери.
