Кој ќе тепа на Ел Класико!? ↓↓↓
Кога станува збор за најзастапениот и најпопуларен сладок деликатес и десер во светски рамки, чоколадото, тоа е дотапно во млечна, бела и темна варијанта. Или барем беше така до 2017 година. Тогаш на пазарот излезе и розова верзија на чоколадо.
Истата во моментов е достапна само во неколку земји во светот, а една од тие ретки земји наскоро ќе биде и Хрватска.
„Ние сме една од земјите кои ги следат трендовите со чоколадото, а со тоа го потврдуваме и кредибилитетот на медитеранска земја која ја красат разноврсни вкусови“ вели Фран Рајзл, креативен директор и раководител на производство во компанијата Vrsna од Сесвета. Тие веќе 15 години се занимаваат со прехранбено производство, а од 2017 година го произведуваат брендот чоколади Vrsna chocolates.
Токму тие ја носат радосната вест во Хрватска – историскиот феномен на розевата чоколада. „Со посебна постапка на одвојување на семката и посебна ферментација се чува природната боја на какаото, кој како тропски плод има розево-црвена боја. Името Ruby доаѓа од асоцијацијата со скапоцениот камен рубин и бојата на истоимената чоколада. Вкусот е специфичен поради присуството на цитрусни елементи. Какаото е овошје со вкус кој е мешавина од грозје и лимон”, објаснува Рајзл.
Розевата чоколада ќе биде претставена за две недели отсега на меѓународниот саем Gast 2019 во Сплит, по што ќе може да се пронајде во продавниците во Хрватска, но и во Виена и во Штутгарт, како и на веб шопот.
„Ќе имаме две категории. Едната ќе биде самостојна под називот Ruby Chocolate, додека другата ќе го носи називот Ruby Raspberry and Pistachio. Како компанија која сака да го пренесе хрватскиот производ надвор од границите на земјата, се трудиме да воспоставиме контакти на најкористениот јазик во светот, додека на задниот дел од нашите Ruby чоколади ќе пишува дека се работи за хрватски производ“, објаснува Рајзл.
