Патување за нега и релаксација: Сеул и Токио меѓу дестинациите за „глоукејшн“

„Глоукејшн“ е нов тренд во патувањата што ги спојува одморот, негата на кожата и велнес-ритуалите. Идејата е дестинацијата да се избере според третманите што сакате да ги пробате, но и според козметичките производи што би сакале да ги испробате и купите. Наместо вообичаен одмор, сè поголем интерес предизвикуваат градовите во кои може да се запознаат поинакви пристапи кон убавината, да се откријат локални ритуали за нега и да се доживеат третмани што излегуваат од рамките на секојдневната рутина.

Од корејските клиники за нега на кожата и јапонските спа-третмани за глава, до мароканските амами и француските третмани, секоја од овие дестинации нуди нешто свое. За оние на кои им треба предах, но сакаат и да истражат нови ритуали за убавина, ваквото патување може да биде следниот избор.

@juliamateian

Дестинации за одмор посветен на негата и убавината

Сеул, Јужна Кореја — нега на кожата како посебно доживување

Сеул е речиси неизбежен избор за љубителите на корејската козметика што сакаат да го запознаат тамошниот пристап кон негата подалеку од производите на полиците во домашните дрогерии. Тука грижата за кожата не се сведува само на нанесување серум и крема, туку опфаќа индивидуални консултации, анализа на состојбата на кожата и различни професионални третмани.

Особено внимание привлекуваат клиниките во кои негата се приспособува на потребите на кожата, со третмани за хидратација, изедначување на тенот и подобрување на нејзината текстура. За оние што претпочитаат помалку инвазивен пристап, има различни третмани и масажи на лицето. Сеул е интересен и по продавниците за козметика, каде што може да се откријат нови корејски брендови, текстури и состојки што допрва стигнуваат на европскиот пазар.

@turnover28.th

@turnover28.th

@hxvy_n

Токио, Јапонија — спа за глава и ритуали за враќање на рамнотежата

Токио е дестинација за оние што сакаат да го истражат јапонскиот пристап кон убавината, во кој големо значење имаат деталите, доследноста и опуштањето. Меѓу искуствата што во последните години привлекоа меѓународно внимание е јапонскиот „хед спа“ — третман за нега на скалпот и косата, наменет и за целосна релаксација.

Овој ритуал најчесто вклучува чистење на скалпот, масажа, третмани со топла вода и препарати избрани според потребите на косата. Во Токио може да се откријат и јапонски ритуали за нега на лицето, кои често опфаќаат нежна масажа, хидратација и внимателно одбрани производи. Наместо на брз третман, акцентот е ставен на целото доживување и на времето што си го посветувате себеси.

@love_royal_milktea

Извор: Lepota i Zdravlje