Борусија Дортмунд е вистинска „машина за пари“ – од 5 играчи имаат чиста заработка од 321 милион евра

Борусија Дортмунд изминатите години се покажа како исклучително скап фудбалски „супермаркет“, а трансферот на Ерлинг Халанд е само последен во низата на милионски трансфери.

Дортмунд изминатите години покажа дека има одлични скаути кои знаат да откријат големи таленти и да ги донесат за мала сума во своите редови.

После само неколку сезони талентите во Дортмунд стануваат ѕвезди кои скапо се продаваат во европските гиганти.

Само од продажба на пет фудбалери Борусија направи профит од неверојатни 321 милион евра.

Осман Дембеле, Обамејанг, Пулишиќ, Санчо и Халанд пристигнаа во клубот за вкупна сума од 56 милиони евра, а беа продадени за вкупно 377 милиони евра.