По скандалот со апсење на Роналдињо, најверојатно тој и неговиот брат ќе останат во притвор во Парагвај откако двајцата беа уапсени поради фалсификувани пасоши.
Додека се чека да се отвори судски процес, двајцата ќе бидат задржани во притвор, а сега се огласи и адвокатот на славниот фудбалер.
Тој е наивна будала. Не знае што прави и не го сфаќа прекршокот што го направи. Роналдињо и неговиот брат не знале дека му се дадени лажни документи, изјави адвокатот Адолфо Марин.
Тој, исто така, рече дека судијата не го почитува фактот дека Роналдињо е татко и наместо да биде со неговиот син, кој денеска слави роденден, тој дава изјави пред судот во Парагвај.
Вториот адвокат, Ектор Касерес истакна дека наскоро ќе има состанок на кој ќе се разгледуваат наредните чекори за одбрана на славниот бразилски фудбалер.
„Роналдињо направи се, соработува и заслужува да биде пуштен во домашен притвор“, нагласи Касерес.
