Вчерашниот ден од меѓународното натпреварување во синхронизирано пливање на Светското првенство во Будимпешта донесе вистинска драма и морничави сцени, кога американската натпреварувачка Анита Алварез се онесвести во базенот.
Нејзиниот живот беше спасен благодарение на брзата реакција на нејзината шпанска тренерка, Андреа Фуентес.
25-годишната Алварез, која анатпреварувањето го заврши на седмото место, ја загуби свеста, но потоа од американскиот тим потврдија дека таа се чувствува добро и дека ќе оди на дополнителни тестирања да се утврди зошто се случил инцидентот.
Според тврдењата на членови од американскиот пливачки тим, ова не е прв пат Алварез да загуби свест во базенот. Слична сцена се случила на олимписките квалификации во Шпанија минатата година, кога Фуентес повторно морала да го спасува со брза интервенција во водата животот на Алварез.
