Од среда температури над 40 Целзиусови – следува нов топлотен бран

Од денеска, 26. јули, до крајот на оваа седмица, под влијание на топла воздушна маса од југ, во Македонија времето ќе биде многу топло со натпросечни температури за овој период од годината.

„Во следните денови на повеќе места температурите ќе бидат над 35 степени. Најтопло ќе биде од среда до недела кога ќе биде активирано портокалово ниво на опасност од високи температури, а вредноста на УВ-индексот ќе изнесува 9. Наместа долж Повардарието температурата ќе го надмине и 40-тиот степен“, соопшти УХМР.

Времето денеска е сончево и топло со мала до умерена локална облачност. Попладне ќе има зголемување на облачноста и во северозападните, претежно планински подрачја, ќе има услови за краткотраен пороен дожд и ретки грмежи. Максималната температура во интервал од 32 до 38 степени и УВ-индексот со вредност 8.

Во Скопје денеска е сончево и топло со мала до умерена облачност и слаб до умерен ветер од северозападен правец и температура до 37 степени.