Германската фудбалска репрезентација во последно време игра многу лошо, а тоа резултираше со испаѓање во Б-дивизијата во Лигата на нации.
Германија на Мундијалот испадна уште во групната фаза, а тоа беше навестување на лошата форма и лошите резултати.
Германците го најдоа виновниот за кризата и директно го обвинија бившиот тренер на Баерн Минхен – Пеп Гвардиола.
„Ова што ни се случува е вина на Гвардиола. Тој не убедуваше дека е доволно 75% посед за да победиш. Во фудбалот резултатот е многу поважен од контролата. Поседот на топка не е доволен за победа“, тврди поранешниот репрезентативец, Ханс Петер Бригел.
„Тоа го демонстрираше Франција и стана светски шампион. Може да се победува и со традиционален начин на игра. Најважно не е да се игра добро, туку резултатот. Сепак, мислам дека ова кај нас е само минлива криза, не е прв пат да влегуваме во лоша серија“, заклучи Бригел.
Во 2018 година Германија одигра 12 натпревари на кои доживеа дури 6 порази, два ремија и оствари само четири победи.
