Италија синоќа одигра реми без голови против Португалија, мечот се играше на „Сан Сиро“ и во центарот на вниманието беше Леонардо Бонучи.
Дефанзивецот на Јувентус иако го носеше репрезентативниот дрес доби силни свирежи од миланската публика, што беше и очекувано откако ова лето го напушти Милан и се врати во Торино.
После мечот дефанзивецот испрати жестока порака до фановите и ги нарече идиоти.
„Мајката на идиотите секогаш е бремена. Секогаш ќе има одредени идиоти. Најважно е што ја имам поддршката од соиграчите, бидејќи само тоа е важно за мене и мојата игра“, изјави видно нервозниот Бонучи.
