Министерството за здравство на вчерашната владина седница даде предлог кој беше усвоен и врз кој се донесе одлука до Собранието на РМ да биде доставен Предлог-закон за изменување и дополнување на Законот за здравствената заштита, во кој, меѓу другото, се укинува принципот на плаќање по учинок на здравствените работници.
Основната плата и делот за успешност ќе се утврдува согласно колективниот договор, како создавање услови за обезбедување здравствени работници во јавните здравствени установи преку преземање од приватните здравствени установи.
