Maroon 5 со спот посветен на сите жени од светот

Групата Maroon 5 го објавија новиот спот за песната Girls Like You, во кој се појавуваат голем број актерки, пејачки, водителки и други славни жени.

Лидерот на бендот, Адам Левин, во спотот танцува со Џенифер Лопез, Камила Кабељо, Мери Џеј Блајџ и Рита Ора. Освен нив, тука се и Мили Боби Браун, Гал Гадо, Тифани Хедиш, Сара Силверман, Ешли Греам и Елен ДиЏенерис. Во спотот се појавуваат и неколку спортистки, како и политичарката Илхан Омар.

Во видеото ги има и сопругата на Левин, Биати Принслу, заедно со ќерката Дасти Роуз. Новата песна на Maroon 5 е своевидна пофалба на жените и е посветена на сите жени ширум светот.