Раководството на Јувентус ќе се вклучи во борбата за потписот на Жоао Кансело, пренесуваат италијанските медиуми.
Во моментов португалскиот десен бек игра во Интер како позајмен фудбалер од Валенсија, а „нероаѕурите“ ќе имаат можност да го откупат на крајот на сезоната за 35 милиони евра.
Меѓутоа, миланскиот гигант не е спремен да плати толкава сума, а таквата ситуација ќе се обиде да ја искористи Јувентус.
Јувентус е во добри односи со Валенсија поради трансферите на Нето и Заза, па веќе го информирале шпанскиот клуб дека се заинтересирани за Кансело.
Сепак, Интер има предност и може да го откупи на крајот на сезоната, но доколку не се случи тоа, Јувентус е веднаш спремен да реагира.
