Акробатот Јан Арно од познатиот циркус Cirque du Soleil загина за време на изведбата на неговата точка откако падна од пет метри височина.
„Шокирани сме и скршени од оваа трагедија. Арно беше со нас над 15 години. Го сакаа сите што го познаваа“, се вели во изјавата на светски познатиот циркус.
Колегите веднаш притрчале да му помогнат по падот, но сведоци тврдат дека тој не давал никакви знаци на живот. Во тек е истрага за несреќата која што се случи за време на настапот на Флорида.
Шоуто веднаш било прекинато, а на посетителите ќе им бидат вратени парите кои што ги платиле за карти.
