Михаела Џорџо се пошегува со падот на сцената во „Љубовта е слепа“: „На сите им требаше малку смеа“

Михаела Џорџо, учесничка во „Љубовта е слепа“, се пошегува на своја сметка по незгодниот пад на сцената за време на напнатата епизода со повторното собирање на учесниците.

„Искрено, станав, а Бог ме турна долу затоа што на сите во просторијата им требаше малку смеа“, рече 35-годишната Михаела во најавата за новата епизода на подкастот „Viall Files“, објавена на Инстаграм во вторникот, на 10 ноември.

Во најавата се појавува и Сара, која гостува заедно со Михаела. Зборувајќи за својот пропаднат брак со водителите Ник Вајал и Натали Џој Вајал, Сара предупреди на долготрајните последици од таквите врски.

„Ваквите врски можат да ти ја зае*ат психата за цел живот. Ако не се тргнеш навреме, последиците може да ги носиш цел живот“, им рече таа.

Во разговорот беше отворена и темата за раскинувањето на Михаела со Роб Фили. По жестоките расправии, таа ја прекина свршувачката со 40-годишниот Роб пред нивната планирана венчавка во 11. сезона. На повторната средба на учесниците, Роб откри дека побарал терапевтска помош за да работи на своето однесување.

„Него го фалат за можеби, не знам, шест или седум тераписки сесии, а јас се кршам од работа врз себе — со животен тренер, со терапевт, со вештини за смирување конфликти и со тоа како им давам поддршка на жените“, рече Михаела во подкастот, коментирајќи го настапот на Роб. „Беше лудо.“

Во текот на 11. сезона, Михаела и Роб жестоко се расправаа во бар, во друштво на неговите пријатели. Во подоцнежна изјава пред камерите, Михаела рече дека се чувствувала како Роб да ја напаѓа. Според неа, тој сметал дека се пријавила во шоуто од погрешни причини, нешто што таа повеќепати го негираше.

На следното излегување со други парови и самци од „Љубовта е слепа“, двајцата повторно се скараа, овојпат поради нејзината блискост со Мет Волдрип, попознат како „Пчеларот“. По тој настан, официјално ја раскинаа свршувачката.

Во најавата за „Viall Files“, Михаела зборуваше и за реакциите по прикажувањето на драматичните моменти, иако не е јасно на која од двете сцени се осврнува.

„Ниту еден маж од учесниците не ми испрати порака да ми каже: ‘Еј, ја видов таа сцена, навистина ми е жал за тоа низ што помина и тоа е крајно разочарувачки’“, им рече таа на водителите.

Извор: US Weekly