Дуа Липа, Тејм Импала и Сиза ќе бидат главните ѕвезди на „Коачела“ во 2027 година

Организаторите на „Коачела“ неочекувано ја објавија програмата за изданието во 2027 година, вклучувајќи ги и трите главни изведувачи.

Годишниот фестивал на музиката и уметноста ќе се одржи во два викенда: од 9 до 11 април и од 16 до 18 април 2027 година.

Локацијата повторно е „Емпајр поло клуб“ во Индио, Калифорнија. На пустинската фестивалска сцена ќе се вратат многу познати имиња, меѓу кои и изведувач што веќе настапувал како главна ѕвезда.

Петок, 9 и 16 април – Дуа Липа

Како што претходно се шпекулираше, Дуа Липа ќе биде главната ѕвезда во двете петочни вечери.

Меѓу позначајните имиња во петочната програма се и:

• Мадона
• Зара Ларсон
• Стив Лејси
• Џису
• Келани
• Леон Томас
• Фети Вап
• Ес Џи Луис

Сабота, 10 и 17 април – Тејм Импала

Тејм Импала се враќа на фестивалот како главен изведувач во саботните вечери. Ова ќе биде втор настап во таа улога, по оној во 2019 година.

Во саботната програма се издвојуваат и:

• Фиби Бриџерс
• Визер
• Тиесто
• Мартин Гарикс
• Робин
• Рол Модел
• Адела
• Манескин
• Мараја д Саентист
• Бед Ѓал

Недела, 11 и 18 април – Сиза

Сиза ќе ги заокружи двата фестивалски викенда како главна ѕвезда во неделните вечери.

Меѓу позначајните учесници што ќе настапат во недела се:

• Дон Толивер
• Дом Дола
• Кајго
• Беки Џи
• Бејбимонстер
• Реми Вулф
• Туве Лу
• Викторија Моне
• Муна
• Шајгрл
• Ајра Стар

Меѓу водечките имиња е најавен и Деди Јенки, кој ќе настапи со специјална продукција. Засега не е познато во кој термин ќе биде неговиот настап.

Извор: Just Jared