Ло и Росе откриваат: Федерер беше разгален плачко на терените

Роџер Федерер некогаш беше плачко и се однесуваше разгалено, открија Дејвид Ло и Марк Росе.

Дејвид Ло на Федерер му помогнал со советите како да се однесува со медиумите и токму тој открил интересни детали од почетоците на на легендарниот Швајцарец.

„Често игравме на турнири каде што тој беше под секое ниво. Некогаш ментално ќе експлодира, некогаш беше премногу емотивен, ги фрлаше рекетите, беше како бебе. Искрено, на теренот беше плачко. Беше незрел и му требаше многу време да порасне“, рекол Ло.

На тениските почетоци на Роџер Федерер се сеќава и некогашниот швајцарски тенисер Марк Росе.

„Се сеќавам кога првпат трениеравме заедно. Тој беше новиот тален во Швајцарија, но беше многу мрзлив. Вообичаено младите играчи се нервони бидејќи сакаат да играат добро, но тој излезе на теренот и воопшто не му беше грижа. Не можев да верувам дека се однесува така“, рекол Росе.

Ло открил уште некои пикантерии поврзани со почетоците на кариерата на Федерер.

„Знам дека со некогашниот тренер Петер Лундгрен често во автомобилот ги слушаше AC/DC и гласно заедно пееја. Луѓето не разбираат колку беше палав Федерер. Во соблекувалната додека се тушираше, ги имитираше другите играчи и ликови како Хулк Хоган“, рекол Ло.

Роџер Федерер е рекордер според бројот на освоени грен слем титули (19) и според бројот на поминати недели на првото место на АТП-листата (302.).