Веста дека прекрасната манекенка од „ангелската“ дружина на Victoria’s Secret, Џозефин Скривер, стигна во Дубровник ја пренесоа сите локални медиуми, но она што не беше познато е фактот дека згодната Данка ужива на бродот од еден Хрват.
Чамецот во кој русокосата манекенка позираше облечена само во танга е иновација на еден од најпосакуваните ергени во Хрватска, Едуард Бочкај, кој неретко го нарекуваат хрватска верзија на „Ѕверката“ од „Сексот и градот“.
Бившиот директор за продажба на RTL и Nova TV последните неколку години се занимава со дизајн на возила, па после електричниот скутер Moneghette, го дизајнираше и чамецот Dubrovnik Republic, кои се произведени во Хрватска и кои ги изнајмува.
Бочкај после разводот од Дина Штерн, со која има два сина, го поврзуваат со многу убавици, но ниту една врска не му траеше доволно долго. Најдолго се љубеше со српската мисица Тијана Ракиќ, а медиумите шушкаа и за врската со Тија Јурчиќ.
Џозефин, пак, на одмор во Хрватска дојде со браќата и дечкото, музичарот и текстописец Александар ДеЛеон.
Учество во игри на среќа е дозволено за лица со 18+ години. Играј одговорно!