Британската кралица ја пријавија во полиција – еве ја причината

Британската кралица Елизабета Втора е пријавена во полиција во Западен Јоркшир, затоа што, како што се тврди, немала врзан појас кога со своето официјално возило доаѓала во Парламентот.

Лицето кое повика полиција тврди дека кралицата не била врзана додека се возела низ Лондон, јави Би-Би-Си.

Полицијата пријавата ја потврди на својот налог на Твитер додавајќи со „хаштагови“ дека делото не е за полиција и дека не е во надлежност на Западен Јоркшир (#not999 #notevenwestyorksire).

Според британскиот закон против кралицата не може да бидат покренати ниту граѓански ниту кривични постапки.