Актуелно

4 мртви во крвава расправија за поделба на плажа во Албанија

Туристичкото место Велипоја и целата албанска јавност беа потресени од крвавиот инцидент што се случи 30 минути по полноќ на плажата „Пулај“ во споменатата туристичка локација.

Четири лица загинаа, а две беа ранети во вооружен судир на плажата „Пулај“ во ова познато туристичко место во северниот дел на Албанија.

„Причината за вооружениот конфликт е поделба на сопственоста над песочните плажи каде што се поставени лежалки, помеѓу два хотела, оддалечени 50 метри еден од друг, изјави директорот на полицијата во Скадар“, Нико Брахимај, на местото на настанот два часа по масакрот.

Жртвите се на возраст од 20, 25, 38 и 59 години, двајца од нив се браќа. Повредените се на 17 и 54-годишна возраст.

Во Велипија веднаш пристигнале припадниците на специјалната единица и екипи за увид.

To Top