Зак Афлек, познат од реалното шоу „Тајните животи на мормонските сопруги“, се огласи откако неговата сопруга Џен Афлек објави стара снимка на која тој ѝ вели дека градите ѝ се „опуштени“.
Џен (27) го сподели видеото на Тикток во четвртокот, додека трае нивната постапка за развод.
Една следбеничка го праша Зак (30) за снимката во коментар под негово видео објавено истиот ден. „Колку и да не ја сакам Џен, ако сопругот ми кажеше дека градите ми се ‘опуштени’ две недели по породувањето, никогаш немаше да му простам“, напиша таа.
Зак одговори: „Ова е снимка од 2022 година. Очигледно, тоа беше ужасно и никогаш не требаше да биде кажано. Кога денес го видов видеото, бев целосно шокиран што сум го кажал тоа. Кажав многу ужасни и навредливи работи, но дадов сѐ од себе да учам и да се менувам“.
Џен во вторникот, на 3 ноември, поднела барање за развод од Зак во Јута. Доставила и предлог-план за родителска грижа, чии детали не се јавно достапни.
Џен и Зак се венчаа во 2019 година и имаат три деца: ќерките Нора, која има пет години, и Пени, која има 16 месеци, како и тригодишниот син Лука.
Во јуни двајцата објавија дека го очекуваат своето четврто дете.
Извор: US Weekly
Учество во игри на среќа е дозволено за лица со 18+ години. Играј одговорно!