Отворање на египетски саркофаг стар над 2.500 години (снимка)

Египетските власти се пофалија со новооткриените антички саркофази и беше објавена снимка од моментот кога беше отворен еден од нив.

Стари над 2.500 години, саркофазите се вкупно 59 на број и сите се дрвени и добро сочувани. Во некои дури и мумиите се во одлична состојба.

„Има вкупно 59 дрвени саркофази, од кои некои се црни, а други во разни бои. Некои од нив беа заштитени со слој од смола. Во некои, мумиите се во одлична состојба“, рече генералниот секретар на Врховниот совет за антиквитети, Мостафа Вазири.