Home Актуелно Започна тетарскиот фестивал „Војдан Чернодрински“

Започна тетарскиот фестивал „Војдан Чернодрински“

Со претставата „Име“ во режија на Ненни Демлестре на театар „Комедија“ и со традиционалното врачување на наградите за животно дело, во петокот вечерта во Центарот за култура „Марко Цепенков“ во Прилеп започна 51-от Македонски театарски фестивал „Војдан Чернодрински“.

„Фестивалот го помина првото петдецениско постоење и годинава зачекоривме во второто петдецениско живеење на Македонскиот театарски фестивал „Војдан Чернодрински“. Направив селекција од 12 претстави во официјалната конкуренција за награди и се раководев само од квалитетот што го нудат македонските професионални театри. А македонскиот театар постојано бележи нагорна линија и според квалитет и квантитет, зашто сите ансамбли се обновени со млади актери и творци, истакна претседателот на Собранието на фестивалот и селектор Петар Темелковски.

13.06vojdan2
Сите осум фестивалски дена ќе биде понудена богата програма. Освен 12 претстави во официјална конкуренција има и 10-тина претстави во придружната програма. Ќе бидат организирани и изложби и промоции на драмски текстови што се наградени од Министерството за култура, како и полноќни претстави за сите генерации.

Според градоначалникот Марјан Ристески: Фестивалот „Војдан Чернодрински“ претставува голема потврда дека трајните вредности и нивното негување се од особен интерес за градот Прилеп, за Министерството за култура, за Република Македонија. Токму затоа градот Прилеп претставува епицентар во кој се случуваат културни збиднувања и настани носејќи го космополитскиот дух на уметноста, а за тоа најмногу придонесува овој фестивал на театарот“.

13.06vojdan3
Годинашни добитници за животно дело се: театарскиот критичар Лилјана Мазова, како и актерите Илијаме Билјали од Албанскиот театар и Сабина Ајрула од Драмскиот театар од Скопје. Идниот петок, Македонската опера и балет за првпат на фестивалот ќе ја изведе операта „Кармина Бурана“ во чест на наградените.

Покровители на фестивалот се Министерството за култура и градот Прилеп.

Пред почетокот на фестивалот љубителите на ликовната уметност имаа можност да присуствувват на отварање на изложбите на Владимир Темков и Атанас Ботев.

Load More Related Articles
Load More In Актуелно

Напишете коментар

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…