Џејми Ли Кертис уште повеќе се зближила со Џејк и Роми Рајнер по смртта на нивните родители

Џејми Ли Кертис вели дека станала „многу поблиска“ со Џејк и Роми Рајнер по смртта на нивните родители, нејзините долгогодишни пријатели Роб и Мишел Рајнер.

Во разговор за „Екстра“ во петокот, на 5 ноември, актерката откри дека трагичната загуба дополнително ја зацврстила нивната поврзаност. „Секако, ние сме семејство“, рече таа.

По смртта на своите блиски пријатели, Кертис и нејзиниот сопруг Кристофер Гест ја изразија тагата во заедничко соопштение.

„Кристофер и јас сме занемени, тажни и шокирани од насилната и трагична смрт на нашите драги пријатели Роб и Мишел Сингер Рајнер. Во моментов сме насочени ИСКЛУЧИВО кон нивните деца и најблиските членови на семејството и ќе им ја пружиме сета можна поддршка“, порачаа тие.

„Подоцна ќе има доволно време да зборуваме за заедничките творечки искуства и за големото политичко и општествено влијание што двајцата го имаа врз забавната индустрија, раниот детски развој, борбата за истополови бракови и нивната грижа за светот во криза. Изгубивме големи пријатели. Ве молиме, оставете ни време да тагуваме“, се додаваше во соопштението.

Во август, 35-годишниот Џејк проговори за тоа како се справува со ненадејната загуба на родителите.

„Поминаа осум месеци. Истовремено ми изгледа како да поминале осум години, но и како да поминале само осум минути“, му рече Џејк на Марк Кота-Роблес од КАБЦ-ТВ во интервју објавено на 27 август во емисијата „Добро утро, Америка“. „Секое утро кога ќе се разбудам, повторно се соочувам со својата реалност.“

Џејк призна дека апсењето на неговиот брат дополнително му го отежнало тагувањето.

„Тој е во затвор, па… Ги изгубив родителите, а потоа Ник беше уапсен. Сега останавме јас и Роми“, рече тој.

Претходно, во есеј објавен на „Сабстак“ во април, Џејк пишуваше за својата тага и откри како неговата 28-годишна сестра Роми му соопштила дека нивните родители починале.

„Попладнето на 14 декември бев во ‘Јунион стејшн’, на собир во спомен на еден од моите најдобри пријатели, Кристијан Андерсон, кој почина во октомври“, напиша Џејк. „Тогаш ми се јави сестра ми Роми и ми кажа дека татко ни е мртов. Неколку минути подоцна повторно се јави и ми кажа дека и мајка ни е мртва.“

„Четириесет и петминутното возење со ‘Лифт’ од центарот до западниот дел на градот беше неподносливо. Светот каков што го познавав се урна. Бев како во транс. Можев да мислам само на тоа дека морам да стигнам во домот во кој пораснав. Морав да стигнам до сестра ми. Морав да сфатам што, по ѓаволите, се случило“, додаде тој.

Извор: US Weekly