Новиот адвентски календар на Ким Кардашијан и нејзиниот бренд Скимс стана предмет на потсмев на интернет откако корисничка на ТикТок објави видео во кое ги отвора сите 12 прегради.
До објавувањето на текстот, видеото имаше повеќе од 34 милиони прегледи и илјадници коментари, а бројките продолжуваа да растат. Во него, авторката го отвора календарот со додатоци, кој чини 148 долари, и со секоја следна преграда станува сè поразочарана.
Пред камерата, меѓу другото, таа вади прерамки за градник, ластичиња за коса, приврзоци за клучеви, шноли, чешел и мека играчка од пена за стискање.
За многумина, содржината не ја оправдува цената
Најголем дел од коментаторите реагираа на цената, оценувајќи дека 148 долари се премногу во споредба со нивната процена за вкупната вредност на предметите. Сепак, на официјалната страница на „Скимс“ производот е јасно означен како адвентски календар со додатоци, а во описот е наведено какви предмети содржи: додатоци за коса, приврзоци за клучеви и други ситници, распоредени во 12 празнични прегради.
Ѝ се заблагодарија што им заштедила пари
Дел од корисниците ја пофалија авторката затоа што го купила календарот и го покажала неговото отворање, посочувајќи дека со тоа веројатно спречила други да потрошат пари.
„150 долари е ЛУДО за работи што можеби вредат 20 долари“, напиша еден корисник, додека друг ја спореди содржината со „ѓубре од Тему“.
„Те насамариле, девојко, ама ти штотуку им заштеди пари на толку многу луѓе“, гласи друг коментар.
Еден корисник го нарече календарот „кутија полна со лоши шеги“, а друг напиша: „Значи, во суштина, сè што ми паѓа меѓу седиштата во автомобилот“. Двата коментара добија по повеќе од еден милион допаѓања.
„Ова се сите работи што штотуку ги фрлив додека го расчистував ноќното шкафче“, напиша уште еден корисник.
Извор: Just Jared
Учество во игри на среќа е дозволено за лица со 18+ години. Играј одговорно!