Запленето Ферари го направија полициско возило за со него да ги ловат бесните возачи


Вака се слави гол во 120-та минута!!! ↓↓↓


Ферари кое го заплениле од криминалци чешката полиција ќе го употреби за гонење на „најагресивните возачи“ на автопатите во земјата. Сребрениот ферари 458 Италија, кој нов чини нешто под 200.000 евра, може да развие брзина до 325 километри на час.

Сега има сини и жолти ленти како секој друг чешки полициски автомобил, но само специјално обучени полицајци смеат да седнат зад неговиот волан. Трошокот за пренамена на спортскиот автомобил за полициска употреба бил нешто под 14.000 евра, според чешките медиуми.

Шефот на одделот за сообраќај на чешката полиција Јиржи Зли кажа дека ферарито е запленето од криминалци и дека ќе се користи за повеќе задачи, како „потера по крадливците на автомобили кои минуваат низ Чешка бегајќи од соседни земји“.