Урнебесно сценарио: Можно е ждребот да одлучува кој ќе оди во осминафинале


Одиме јако! Не чека ЛУД викенд! ↓↓↓


Денес во 16 часот се играат натпреварите во Групата Ц, каде за едно слободно место во осминафиналето ќе се борат Австралија и Данска.

Франција со 6 бода веќе е сигурен осминафиналист, а шанси за да го „чекираат“ преостанатиот еден билет имаат репрезентациите на Данска и Австралија.

Данска има 4 бода и денес игра натпревар со „триколорите“, додека Австралија има само 1 бод и ќе ги одмери силите со Перу.

Во оваа група може да дојде до такво сценарио, па на крајот со ждреб да биде одлучен осинафиналистот.

Имено, доколку Данска загуби со 2:1 од Франција, а Австралија победи со 1:0 двете репрезентации ќе имаат по 4 бода, реми на меѓусебниот дуел, па ќе одлучува фер-плејот, односно жолтите и црвените картони.

Но, доколку Австралија на денешниот натпревар добие еден жолт картон повеќе од Данска, тогаш ќе бидат израмнети и во тој критериум, па во таков случај со ждреб ќе се одлучи кој ќе патува во осминафиналето.