Кој ќе тепа на Ел Класико!? ↓↓↓
Периодов во германските медиуми актуелна е темата за оставката на пратеникот од Христијанско-социјалната унија, Тобијас Цех.
Тој поднесе оставка поради тоа што во 2016 година, за време на отворање на аферата со прислушувањето, лобирал за ВМРО-ДПМНЕ. Тоа е оценето како негово неетичко, па и незаконско делување затоа што преку негова компанија добил десетици илјади евра за да лобира за ВМРО-ДПМНЕ и за тогашниот претседател на партијата Никола Груевски.
Оставката на Цех дојде откако локални весници во Баварија ги објавија овие податоци. „Ова го правам за да го заштитам моето семејство и да избегнам штета на мојата партија преку можни предрасуди. Мислам дека легално нема конфликт. Но политички не можете да се однесувате така“, напиша Цех по оставката.
Цех во пораката пишува дека за неговите активности поврзани со ВМРО-ДПМНЕ секогаш бил известуван претседателот на Бундестагот и тие биле достапни и во парламентот.
„Сепак, од денешна гледна точка и во светло на тековната дебата јас би ги оценил поинаку своите договорени секундарни активности од 2016 година и сега не би ги извршувал“, вели Цех.
Цех со неговата консултантска компанија биле активни во изборната кампања во Македонија во 2016 година работејќи за ВМРО-ДПМНЕ. Но, не само тоа, тој присуствувал во кампањата на ВМРО-ДПМНЕ како член на парламентот, во истото време кога добивал и пари како консултант.
Генералниот секретар на ЦСУ (баварскиот партнер на ЦДУ на Меркел), Маркус Блуме, изјави дека етичкиот комитет на ЦСУ врши истрага за овој конфликт на интереси.
