Победата на синоќешните претседателски избори во Србија, убедливо ја однесе Александар Вучиќ. Во штабот на Српската напредна партија се славеше до зори.
Курир.рс пренесува дека во штабот веселбата со трубачи траела се до рани зори. Се пиело шампањ, се слушале песни. Томислав Николиќ не бил присутен на прославата.
„Ова е за нас важен ден, се покажа во кој правец треба да оди Србија. Победата е чиста како солза и никој не може да го оспори тоа, добив 12 отсто повеќе гласови о другите кандидати заедно. Тоа се 430.000 гласови повеќе“, изјави вчера Вучиќ по прогласувањето на резултатите.
Порача дека ќе се бори за секој граѓанин еднакво, и оние кои го поддржуваат и оние кои не му дале глас.
