Home Спорт Трагедија за крај на кариерата: Абделхак од Ајакс со трајно оштетување на мозокот

Трагедија за крај на кариерата: Абделхак од Ајакс со трајно оштетување на мозокот

Иако првите вести за здравствената состојба на Абделхак Нури од „Ајакс“, кој во неделата на пријателскиот натпревар со „Вердер“ од Бремен се сруши на теренот без свест, беа охрабрувачки, вчера од амстердамскиот клуб стигнаа вести дека фудбалерот претрпел тешки оштетувања на мозокот и дека неговата кариера е завршена.

Младиот фудбалер е надвор од животна опасност, но сè уште не е познато какви последици ќе има по неговото здравје.

„Сите сме во шок, никој не може да верува. Абделхак имаше голем талент“, изјави директорот на „Ајакс“ и поранешен голман со светска кариера Едвин ван дер Сар.

Младиот играч од средината на теренот се онесвестил заради силна аритмија на срцето. Со возило на брзата помош бил пренесен во блиската болница, а потоа е префрлен со хелихоптер на клиниката во Инсбрук, Австрија.

Нури дебитираше за А-тимот на „Ајакс“ во септември минатата година и имаше 15 настапи со клубот од Амстердам.

 

Вчитај повеќе поврзани статии
Comments are closed.

Check Also

Прва светска титула во кошарка за Германија

Германската кошаркарска репрезентација на сензационален начин стигна до својата прва титул…