Тејлор Свифт се враќа на сцената на кантри-наградите ЦМА по 13 години

Тејлор Свифт официјално е потврдена меѓу изведувачите што ќе настапат на доделувањето на наградите ЦМА за 2026 година следната недела.

Пејачката, која има 36 години, ќе се појави на сцената на јубилејното 60. издание во среда, на 18 ноември. Нејзиното враќање доаѓа десет години по последното појавување на манифестацијата и 13 години по последниот настап.

Свифт двапати ја има освоено наградата за забавувач на годината на ЦМА. Во 2009 година стана најмладата добитничка на ова признание, рекорд што го држи и денес.

Годинава е номинирана за сингл на годината со хитот „I Knew It, I Knew You“ од филмот „Приказна за играчките 5“.

Доделувањето ќе се пренесува во живо од арената „Бриџстоун“ во Нешвил, а водителка трета година по ред ќе биде Лејни Вилсон.

Што ќе изведе Тејлор Свифт?

Засега не е потврдено со што ќе настапи пејачката. Претходно неделава, DeuxMoi објави дека, според информации што ги добива, Свифт би можела да биде меѓу изведувачите вклучени во посебната музичка почит за Доли Партон на 60. доделување на наградите ЦМА на 18 ноември.

Нејзиното учество во тој дел од програмата сè уште не е официјално потврдено.

Свифт уште по објавувањето на номинацијата најави дека ќе присуствува на церемонијата.

„ИЗГЛЕДА ДЕКА СЀ УШТЕ НЕ СУМ ГО ИЗВИКАЛА ПОСЛЕДНОТО КАУБОЈСКО ‘ЈИХА’! ВИ БЛАГОДАРАМ, ЦМА!!!! Се гледаме на 18 ноември“, напиша тогаш на Инстаграм.

Извор: Just Jared