Бела Хадид повторно го привлече вниманието на јавноста, овојпат не со модните ангажмани и гламурозните настапи, туку со објави од приватниот живот. Манекенката сподели фотографии на социјалните мрежи што предизвикаа многу коментари, особено оние на кои разменува нежности со мажот за кого веќе извесно време се шпекулира дека е нејзин нов партнер.
Во серијата фотографии што ги објави на Инстаграм од натпревар на хокеарскиот тим Колорадо Аваланч има и романтични моменти со Нејтан Лејси. Иако Хадид сè уште официјално не ја потврдила врската, заедничките кадри дополнително ги разгореа гласините за нова романса.
Кој е Нејтан Лејси?
Шпекулациите за можна врска меѓу Бела Хадид и Нејтан Лејси почнаа во септември, кога двајцата беа забележани заедно во мало место во Колорадо. Подоцна беа видени и на Модната недела во Милано, што уште повеќе го зголеми интересот за нивниот однос.
Според странските медиуми, Лејси работи во градежништвото и живее на ранч, далеку од модната индустрија во која Бела со години е меѓу најпознатите имиња. Иако засега има малку официјални информации за нивниот однос, изгледа дека манекенката не чувствува потреба да ја крие нивната блискост.
Нова романса по разделбата со Адан Бануелос?
Бела Хадид од 2023 година беше во врска со професионалниот каубој Адан Бануелос. Нивната романса траеше околу две години, по што се разделија.
Се чини дека манекенката е подготвена за ново поглавје во приватниот живот, а фотографиите со Нејтан дополнително го насочија вниманието кон нејзиниот љубовен статус.
Покрај можната нова врска, Хадид привлече внимание и со значителна промена на изгледот. Препознатливата боја на косата ја замени со платинесторуси нијанси.
Манекенката неодамна настапи и на ревијата на „Викторијас сикрет“, повторно потврдувајќи го своето место меѓу најголемите ѕвезди на модната сцена. Сепак, овојпат насмевките и бакнежите со Нејтан предизвикаа поголем интерес од нејзините модни изданија.
Извор: Story.rs
Учество во игри на среќа е дозволено за лица со 18+ години. Играј одговорно!