Среќата е во Финска

По петти пат Финците се прогласени за најсреќен народ, а нивната држава – најсреќна земја за живот. Македонија е на 89, според Светскиот извештај за среќа, публикација на мрежата за одржлив развој на ОН.

Од земјите во регионот, најсреќно место за живеење е Словенија, која е на 22 место, потоа Србија на 43, Хрватска на 47, БИХ на 67, Црна Гора на 75, а македонија на 89 место.

Меѓу десетте најсреќни земји оваа година се Данска, Исланд, Швајцарија, Холандија, Луксембург, Шведска, Норвешка, Израел и Нов Зеланд.

Најнесреќни земји според ОН се Авганистан кој е на последното место и Либан.

Светскиот извештај за среќа проценува 146 земји и зема предвид индикатори како што се очекуваниот животен век, социјалната поддршка, корупцијата и други.