Сибирска Велнес, глобален бренд препознатлив по својот сибирски карактер, свечено го одбележа 30-годишниот јубилеј во областа на здравјето и убавината.
Тродневната манифестација под слоганот „30 години автентичност“, одржана од 17 до 19 септември во Санкт Петербург, собра повеќе од 9.000 бизнис партнери, експерти, почесни гости и медиумски претставници од над 20 земји.
Јубилејната програма беше организирана на некои од најпрестижните локации во Санкт Петербург, вклучувајќи ја СКА Арената, Мариинскиот театар, Петергоф и Летниот дворец.
Во текот на тридневната прослава, гостите имаа можност да присуствуваат на специјално изведување на балетот „Ромео и Јулија“ во познатиот Мариински театар, како и да го посетат монументалниот дворско-парковски комплекс Петергоф. Програмата продолжи со свечен прием во амбиентот на Летниот дворец, додека централниот настан се одржа во импресивната СКА Арена.
Програмата ја водеа познатата ТВ водителка Јана Чурикова и шоуменот Вјачеслав Макаров, а целиот концепт на јубилејот беше посветен на водечката филозофија на брендот: „Вистинска природа. Вистинска наука. За луѓето.“
Спој на природата и науката како основа за развој
Во фокусот на јубилејот беа научните достигнувања, иновациите во производството и развојот на нови решенија, со порака дека квалитетот на производите се гради токму на спојот на науката и природата.
„За да ја задржите инспирацијата 30 години, мора да умеете постојано да откривате нешто ново во она што го правите: да откривате нови димензии, поставувате нови цели, запознавате нови луѓе и прифаќате храбри идеи. Ние во Сибирска Велнес во текот на овие 30 години не само што работевме, туку бевме активни учесници во возбудливите промени во индустријата. Можеме да бидеме горди што многу често сме меѓу првите на пазарот кои започнуваат нешто навистина иновативно“, изјави Јуриј Гичев, раководител на Научно-иновацискиот центар на Сибирска Велнес.
Од основањето во 1996 година во Сибир, компанијата прерасна во меѓународен бренд со повеќе од 500 производи, присутни во над 60 земји. Важен дел од бизнисот претставува сопствениот производствен синџир, кој опфаќа 2,45 хектари производствени капацитети во Сибир, комплекс во Узбекистан, како и козметичка фабрика во Србија со вековна традиција.
Одржливоста како дел од деловната филозофија
Покрај деловниот развој, компанијата ја истакнува и својата посветеност на заштитата на животната средина. Преку корпоративната Фондација „Свет околу тебе“, под директна заштита се наоѓаат 20 ретки животински видови. Во рамките на проектот „100 хектари“ досега се засадени 2,8 милиони дрвја во 17 земји, додека во еколошките иницијативи на компанијата учествуваат повеќе од 20.000 волонтери.
Посебен дел од јубилејната вечер беше посветен на луѓето кои со својата работа и долгорочна посветеност придонесоа за развојот на компанијата. Емотивниот врв претставуваа парадите на Топ Лидерите и вработените кои се со брендот повеќе од две децении, со што им беше оддадено признание на членовите на заедницата кои со години ја градеа неговата меѓународна позиција.
„Јубилејот е момент кога носиме одлука за тоа што сакаме да понесеме со себе во следната деценија. Сигурно ќе го понесеме вистинскиот сибирски карактер на нашиот тим, нашата способност да сонуваме и храброста која веќе три децении не движи напред. Сега сме на точка каде започнува новата иднина. А таа иднина зависи само од нас“, изјави Татјана Гроховскаја, претседателка на брендот Сибирска Велнес.
Јубилејната манифестација во Санкт Петербург претставуваше не само осврт на три децении деловност, туку и почеток на нов развоен циклус на компанијата. Сибирска Велнес најавува нови меѓународни проекти, продолжување на инвестициите во одржливоста и развојот на производствените капацитети, како и понатамошна глобална експанзија, вклучувајќи и зајакнување на регионалното присуство преку производство во Србија.
Извор: Story.rs
Учество во игри на среќа е дозволено за лица со 18+ години. Играј одговорно!