Кој е Боби од песната што Фиби Бриџерс ја испеа во „Saturday Night Live“?

Фиби Бриџерс настапи во емисијата „Saturday Night Live“ во саботата вечер, на 14 ноември, во Њујорк.

За 32-годишната музичарка ова беше трето појавување на сцената на хумористичното шоу. Првпат настапи во 2021 година, а во 2023 година се врати како дел од групата boygenius.

Настапот го започна со „Bobby“, песна од нејзиниот најнов албум „Lost Weekend“.

Според наводите, „Bobby“ е инспирирана од нејзината врска со момчето Бо Барнам. Двајцата се фотографирани заедно во 2023 година, додека држејќи се за раце пристигнувале на забавата по „Saturday Night Live“, каде што таа настапила со boygenius.

„Обично пишувам љубовни песни натопени со болка и иронија, а овојпат навистина не сакав да го направам тоа, бидејќи чувството не беше такво. Сакав да пишувам за љубовта при првото интимно зближување — за тоа како некој целосно ти го превртува животот, но во добра смисла“, објасни таа за значењето на песната.

„На крајот, едноставно морав да бидам искрена. Се чувствувам многу среќна што сум ги доживеала тие чувства. Ти благодарам, Боби!“, додаде Бриџерс.

Вистинското име на Бо Барнам е Роберт, а Боби е еден од прекарите што произлегуваат од тоа име.

Во песната таа пее: „Те видов како сам танцуваш бавно во својата соба“. Обожавателите сметаат дека стихот упатува на неговиот музички филм „INSIDE“ од 2021 година, кој го сними во својот дом за време на карантинот.

На друго место во песната, Фиби пее: „Мораше да се наведнеш за да поминеш низ вратата“. Барнам е висок околу 196 сантиметри.

Бо е и коавтор на „Bobby“, како и на уште шест песни од албумот.

„Боби / Ова би можело да биде крај на копнежот / Постојам само ако ме гледаш“, пее Бриџерс.

Извор: Just Jared