Шок за Евертон: Лукаку одби рекорден договор, сака да си оди!

LIVERPOOL, ENGLAND - AUGUST 27: Romelu Lukaku of Everton during the Premier League match between Everton and Stoke City at Goodison Park on August 27, 2016 in Liverpool, England. (Photo by Lynne Cameron/Getty Images)

Викенд најава - Најинтересно во Серија А! ↓↓↓



Најдобриот играч на Евертон, Ромелу Лукаку ги шокураше сите во клубот со одлуката да го одбие новиот договор, кој всушност беше најбогат во историјата на клубот.

Имено, Лукаку можеше да стане првиот играч во историјата на Евертон со плата од над 100.000 фунти неделно, клубот од „Гудисон Парк“ му понуди околу 140.000, но тој ги одби.

Дури и неговиот агент Мино Раиола неодамна изјави дека шансите Лукаку да го продолжи договорот со Евертон се готово стопроцентни.

Сепак, Белгиецот во моментов нема намера да стави потпис на нов договор. Тој оваа сезона има постигнато 19 гола и не крие дека негова најголема желба е да настапува во Лигата на шампиони.

Поради тоа медиумите го поврзуваат напаѓачот со неколку европски гиганти, пред се со Челзи, а Евертон наводно ќе бара минимум 60 милиони евра за неговата слобода.

Доколку замине од Премиерлигата, Јувентус и ПСЖ се споменуваат како најреални опции за него.