Руската тенисерка Марија Шарапова во април повторно се враќа на тениските терени по суспензијата, а во интервју за магазинот „Вог“ кажува дека паузата ја искористила за уживање во животот.
„Изминатата година пиев алкохол како никогаш во животот“ открива Шарапова во интервјуто.
Тенисерката беше казнета поради користење на недозволената супстанца мелдониум. Првичната казна беше 2 години супензија, но подоцна беше намалена на 15 месеци.
„Ќе полудев доколку цело време размислував само за тенис“ додаде 29-годишната тенисерка, која што исто така се посветила и на јогата.
Марија Шарапова на тенисот му се враќа на турнирот во Штутгарт, кој што ќе се игра од 24. до 30. април.
ChatGPT открива: Што вели талогот од кафе? Откриј каква порака крие твојот филџан!
