САД ја надминаа Италија според статистичките податоци за починати од коронавирус


Вака се слави гол во 120-та минута!!! ↓↓↓


Со денешното надминување на бројката од 19.600 починати како последица на епидемијата на коронавирусот, САД моментално има највисок црн биланс за смртност од овој вирус во светот. Индикациите се дека епидемијата таму е блиску до својот врв.

Италија е втора со 19.468 смртни случаи, а Шпанија трета со 16.353 лица починати од Ковид-19.

Сепак, во САД живеат пет пати повеќе луѓе отколку во Италија и седум пати повеќе од Шпанија, потсетува агенцијата. Америка четврти ден по ред бележи околу 2.000 смртни случаи.

Во Италија во последните 24 часа починаа 619 луѓе, а 4.694 се новозаразени. Само во Ломбардија, најпогодениот регион, починаа 273 лица, а зразени се нови 1.544 луѓе.

Вчера бројот на починати во Италија беше 570, а еден ден претходно 610.

Италијанската влада вчера до 3 мај ги продолжи вонредните мерки воведени пред еден месец за да се спречи ширењето на коронавирусот.

Според најновите податоци, во светот има 1,6 милиони заразени и 103.000 мртви како последица на Ковид-19.