Бразилскиот интернационалец, Рамиреш моментално настапува во кинескиот Жиангсу Суниниг, но призна дека би сакал да се врати во Челзи.
Рамиреш беше силно посакуван од Интер во зимскиот преоден рок, но ако треба да избира помеѓу Челзи и Интер, тогаш би ја преферирал понудата на тимот од Лондон.
„Имаше многу гласини за Интер, но немаше ништо конкретно. Сите се свесни дека Интер е голем клуб и за мојата желба да се вратам во Европа. Но, сега размислувам само за Жиангсу и како да му помогнам на тимот. Ништо друго не минува низ мојата глава“, вели Бразилецот.
„Челзи? Отсекогаш сум имал посебен став кон нив и би сакал да ја завршам мојата кариера таму. Знам дека вратите на „Стемфорд Бриџ“ секогаш ќе бидат отворени за мене. Би било прекрасно повторно да го носам дресот на Челзи“,изјави Рамиреш.
