Пронашла минијатурна Библија од злато стара 600 години


Вака се слави гол во 120-та минута!!! ↓↓↓


Медицинската сестра Бафи Бејли од Ланкастер случајно открила минијатурна златна Библија додека користела детектор за метал со нејзиниот сопруг Иан за да пребарува земјоделско земјиште во близина на Јорк.

Вредната Библија можеби некогаш била во сопственост на средновековен аристократ или кралско семејство.

Предметот стар 600 години, долг само 1,5 см, би можел да вреди повеќе од 100.000 фунти, рече Бејли.

Експертот го нарекол уникатен артефакт кој веројатно бил во посед на многу богат човек.

Бејли им кажала на новинарите дека таа и нејзиниот сопруг го избрале Јорк за истражување бидејќи добро ја знаат богатата историја на тој дел од Англија. За ова добиле дозвола од сопственикот на земјиштето.

„Ископав околу 13 см и открив златен предмет. Во тој момент не мислев дека е нешто толку посебно. Тоа го сфатив дури откако внимателно го исчистив од земјата. Тежок и сјаен предмет, неверојатно убав и веројатно златен “, си помислив.

Минијатурната Библија тежи само пет грама и е изработена од 22 или 24-каратно злато. Се верува дека потекнува од 15 век.

На него се издлабени фигури на свети Леонард и Света Маргарет, заштитничка на породувањето, а најверојатно биле користени како предмет за заштита на сопственикот за време на бременоста и породувањето.

Минијатурна Библија е пронајдена во земја недалеку од имотот што некогаш му припаѓал на Ричард III (1483-1485), а експертите шпекулираат дека тоа можеби било сопственост на неговите роднини или неговата сопруга Ен Невил.

Тие го споредиле со Middleham Jewel, златен привезок со син сафир пронајден во замокот Мидлхам, на околу 64 километри, исто така во сопственост на Ричард Трети и семејството Невил. Станува збор за златен привезок од крајот на 15 век, кој исто така бил откриен од детектор за метал недалеку од замокот во 1985 година.

Џулијан Еван-Харт, уредник на магазинот Treasure Hunting, рече дека златната Библија е уникатен историски артефакт.

„Ова уметничко дело е јасно иконографско и е многу слично на Middleham Jewel, така што постои можност да е направено од истиот уметник.

„Оној што нарачал да се направи ваква минијатурна златна Библија морал да биде неверојатно богат“, рече Бејли. „Засега нема ништо слично на светот. Предметот би можел да вреди повеќе од 100.000 фунти.

Музејот Јоркшир во Јорк проценува слични предмети пред аукционерот да ја одреди цената, а потоа музејот одлучува дали да ги откупи.

Во 1992 година, музејот платил 2,5 милиони фунти за да го купи Middleham Jewel.